1
Šef stručnog štaba KK“Budućnost Voli“, Andrej Žakelj pred prvi meč četvrtfinala ABAMeridianBet lige protiv KK “Zadar”
Očekujem da - opravdamo ulogu favorita!

    Naša očekivanja uvijek su visoka. Očekujem da na teren izađemo samopouzdani, sa energijom i čvrstinom koje trebaju u utakmicama protiv klubova kakav je „Zadar“.Protiv njih bez čvrstine kontakta, puno trčanja i skokova teško je igrati. Igrači to znaju da je ozbiljan pristup važan, naročito u prvom meču. Odbrana je uviijek važna, pogotovo ako nemaš napadački dan. Božić im nije jedini adut, nezgodna su, atipična ekip. Suprotno od nas koji imamo niže bekove, oni imaju visoke, tako da i mi imamo vrline i mane. Moramo da sakrijemo neše, a da iskoristimo njihove mane. Sa pravim pristupom i energijom, moramo da opravdamo ulogu favorita - napominje šef stručnog štaba KK“Budućnost Voli“, Andrej Žakelj pred prvi meč - od moguća tri -četvrtfinala ABAMeridianBet lige protiv KK “Zadar”.

- U januaru i februaru igrali smo dobro, pauza nas je malo poremetila, kao i ostale. Play-off dodatna je motivacija za svakog igrača. Igramo za sam vrh Aba lige, tako da očekujem pristup, a kada imamo pristup, imamo i igru. Podrška navijača uvijek nam je „vjetar u leđa“, pozivam ih da dođu u što većem broju, a vjerujem da će doći. Neću da pričam o pojedincima, moramo svi da uradimo da pobijedimo. Nije važno hoće li to biti Wright, Farrel, bitan je rezultat. Kakve imam određene zahtjeve za njih. U svakoj utakmici imaju drugačije zahtjeve. Nijesu bitni samo poeni i da budu u prvom planu. Timski je sport i više gledam na tim nego na pojedince. Imamo sitne zdravstvene probleme, vidjećemo kako ćemo izaći na utakmicu - odgovorio je Žakelj na pitanja novinara.
Revanš utakmica u Zadru na programu je 19., a eventualna "majstorica" u "Morači" 27.




Posjeta : 23